الضمير العربى الله يرحمه

We can change our future- A Message from the Arabs to the Whole World.

By the Name of God the Merciful

We would like to start our talking with you by the peace message god sent us (Moslems , Christians ,Jews) And ordered us to start with .we also send you a Peace Message , And Not Every peace is hidden Behind Weakness. We want You to know us , we want you to come nearby us ,we are not enemies , we are not terrorists but Because the Media is controlled from one side , so only their point of view reaches you .We are all Humans , Arabs , Americans , German , Italians are names our ancestors gave us but at the end we are all people , have one god , have two eyes , have one mouth , have a brain & a heart we made the differences we put barriers between each other for how long will we Stay like this for how long will the misunderstanding stays among us when will we feel that we are making the greatest mistake ,I mean here by we (all human beings that have a brain can think with , and a heart can feel with) enough blood , enough terrorism , enough jail , enough violence Every body please come & know us , why do we keep a distance among us ,why do you think we are all bad & Bloody people damn money that control every thing & nowadays can buy almost every thing read our history & know us , come to our countries & live with us ,Or a thing much easier we made a clip that took 2 years of preparation & 105 Arabian artists participated.we translated this clip for you , to see & understand & know how we suffer. our suffering is because of this misunderstanding & barriers among us. You see this work & see pictures for women, children, handicapped, The elderly & all types of Arabs how we are being attacked & hated by some people around the world. Even their animals are trained to hate us. we are not that bad ,many scientists in the different fields of sciences are Arabs many good things were made by us ,we even don't know the reason for this hatred Campaign that is being launched against us ,but if we think deeply, we will know that the destructive weapon traders are the only ones who benefit from this . after seeing the clip if you want to be a messenger of peace & want to contribute to the great advantage for the whole world , please send this topic and copy the clip for every one you know. And let us raise the slogan we want a better future & we can control this future because it's ours.


Subtitle video part 1 & part2 translated by

Eslam Abo Elkady

Translated peace message,

Esraa Galal
Eldameer elaraby group in facebook
Published by:

Haneen

اشتريت اليوم وروداً

اشتريت النهارده زهور... ورد احمر اللى انتى كنتى بتحبيه . دورت عليكى فى كل مكان بس للاسف مالقيتكيش !!! صحيت على الحقيقه اللى لغاية النهارده مش عايزه اتقبلها وهى ان انتى سيبتينا هنا فى عالمنا القاسى دا وروحتى لدارك الحق مكانك الجميل اللى لو خيروكى عنه بكنوز الدنيا كلها عمرك ما ترجعى للدنيا بتاعتنا دى تانى لأنك اكيد فى مكان احسن بكتير من اللى احنا عايشين فيه دلوقتى عوضاً ليكى عن كل اللى عانيتيه وشوفتيه فى حياتك من شقى ومعاناه ومرض . فراقك صعب قوى عليا حاسه كأنى أتاخد حته من قلبى معاكى. كل يوم بحس يا أمى أن عمرى ما كان لى صاحب فى الدنيا دى غيرك انتى كنتى صاحبتى الوحيده كنا بنسكن روح بعض دلوقتى روحى راحت منى ، انا عايشه جسد من غير روح من بعدك ، ما كنتش بتكلم مع حد غيرك ولا احكى لحد اوجاعى ومشاكلى وافضفضله زيك انتى يا أمى . أد ايه وحشانى قوى وحشانى نصايحك وحشنى حضنك وحنانك ومساندتك وتشجيعك وحبك لى وتدليلك وطبطبتك . انتى اللى كنتى بتصبرينى على قسوة الحياة وظلم البشر ، محتاجه دعاكى قوى دلوقتى بالذات ، حاسه انى فاضيه من جوايا ، هشه ، ما ليش اى وجود من غيرك كان لى وجود معاكى وبيكى ، لكن من بعدك تلاشيت ، اتهديت ، بشعر دايماً بالبرد والخواء وجودك جنبى كان بيطمنى ويخلينى واثقه من نفسى وواثقه ان ورايا ضهر بتسند عليه واعتمد عليه هو انتى يا أمى. ساعات بحس انك حاسه بيا وروحك عايشه معايا ساعات والله بكلمك وادردش معاكى زى ما كنا بنعمل زمان وبحس انك بتردى على وشيفانى وبتفرحى لفرحى وتزعلى لزعلى وساعات بحس انك بتدعيلى من المكان الجميل اللى انتى فيه كل ثانيه بتمر فى حياتى ببعتلك الرحمه واقولك بحبك يا امى يا ترى بتسمعيها وبتردى على . طيب لما بقولك سامحينى يا امى بتقوليلى مسامحاكى يا بنتى نفسى اعرف بجد

بستغرب وبحزن جداً النهارده لما بلاقى الولاد والبنات بقوا بالقسوه وبالجليطه دى مع امهاتهم اللى ساعات بتوصل لحد الاهانه والضرب فى بعض الاحيان !! واقول معقوله للدرجه دى وصلنا للجحود ونكران الجميل والعقوق اللى احنا فيه دا ؟ للاسف هما مش مقدرين قيمة الكنز اللى معاهم ما بيحسش بقيمة الام الا اللى اتحرم منها وبيفقدها فعلاً . مفيش بعد الام والله صدقونى . الام دى اعظم نعمه ربنا انعم علينا بيها مهما عملنلها والله عمرنا ما هنقدرها حق قدرها ولا نعوضها اللى صبرته وتحملته علشنا. تصدقوا بشوف بعينى اللى يدخل امه بيت المسنين علشان مراته مش طيقاها ، واللى يطرد امه من الشقه علشان يتجوز فيها . عار علينا والله اللى بيحصل دا لامهاتنا عمرهم ما يستحقوا مننا كل الجحود دا ابداً دا عقوق الوالدين يا كرام من أكبر الكبائر ... دا بدال ما نكرمهم ونشيلهم جوا عينينا لما يكبروا ويحتاجولنا امال امتى هنريحهم ونرد الجميل ؟ فين الرحمه ، فين الانسانيه ، ان ما كناش نقدر امهاتنا ونبوس ايديهم ورجليهم على تعابهم علشانا ، لو ما يكونشى لينا خير فى امهاتنا هيكون لينا خير فى مين ؟ دا فى ناس بتدعى على ابهاتها وامهاتها انهم يموتوا علشان يورثوهم حد شاف كده يا ناس ؟ بالله عليكم مين بيحبنا اكتر من امنا مين عايز مصلحتنا ونجاحنا قدها ، مين بيضحى بسعادته وراحته وصحته علشان يسعدنا ويخلينا بنى آدمين محترمين وتتمنى انك تبقى احسن منها كمان ،مين بيقف جنبنا فى حزننا ومرضنا ومشاكلنا غير امنا مين بيفنى عمره علشانا ويفضل فى عطاء مستمر طول العمرو من غير حدود ولا ينتظر مقابل عليه غيرها . ليه بعدنا قوى كده عن اخلاقنا وموتنا ضمايرنا حتى لاقرب الناس لينا ، ليه نسينا دينا وان ربنا وصانا بالام ورسوله الكريم . يبقى فاضل ايه تانى يخلينا نبر امهاتنا ونحسسهم بحبنا واهتمامنا وبأننا شيلين جمايلهم علينا وعطائهم فوق راسنا ونحاول نسعدهم ولو حتى يوم واحد فى السنه هو اليوم دا . رحم الله مصطفى امين اللى عمل اليوم الجميل دا عشان يفكر الناس ويصحيهم من غفلتهم ويذكرهم انهم يهتموا شويه بأمهم . كنت زمان وامى عايشه احزن قوى على الناس اللى فقدوا امهاتهم واقول يا عينى عليهم اكيد اليوم دا بيبقى حزين عليهم قوى ، لكن دلوقتى حسيت بأهميته بالرغم من قسوته والاهميه دى للطرفين للى امه عايشه واللى امه متوفيه الاتنين بيفتكروا امهاتهم دا لو كانوا نسيوهم اساساً . اوصيكم بأمهاتكم بروا امهاتكم قبل ما ييجى اليوم ونندم على الفرصه دى اللى قدمنا دلوقتى ونندم بعد كده ان احنا فى يوم من الايام عاملنا امهاتنا بالشكل المبتزل دا وساعتها مش هيفيد الندم وهيبقى احساس فظيع بالحسره والندم عمر ما حد يقدر يستحملوا
انا يا امى هجيب الورد وآجى أزورك زى كل سنه يا ريت يعجبك وتقبليه منى . وهقرا لك الفاتحه انتى وكل الامهات . سامحينى يا أمى لوكنت يوم اغضبتك او زعلتك منى . عندى مشاعر متزاحمه مش عارفه أحزن لفراقك النهارده ولا احسدك على مكانك الهادى الجميل، بس هنتقابل تانى ، مفيش حد عوضنى عنك ابداً ولا ملى الفراغ اللى سيبتيه. والاقينى بردد كلام قالوا قائل قديماً فى فقد احباؤه
فى ثنايا القلب أنتم لم تزالوا * غير انا صابرون
هيهات أن ننسى وان طال المدى * غير انا صابرون

اللى بيخفف عنى مرارة الفراق انك شهيده بمعنى الكلمه فى جنة الخلد يا امى ومش هلاقى احلى من كلام ربنا فى كتابه العزيز

" سلام عليكم بما صبرتم فنعم عقبى الدار"

الصلاة والسلام على خير خلق الله والرحمة المهداه

قصيدة نهج البرده لأمير الشعراء/ احمد شوقى

مدح لأشرف المرسلين سيدنا محمد صلى الله عليه وسلم

ريـمٌ عـلى القـاعِ بيـن البـانِ والعلَمِ
أَحَـلّ سـفْكَ دمـي فـي الأَشهر الحُرُمِ
رمـى القضـاءُ بعيْنـي جُـؤذَر أَسدًا
يـا سـاكنَ القـاعِ, أَدرِكْ ساكن الأَجمِ
لمــا رَنــا حــدّثتني النفسُ قائلـةً
يـا وَيْـحَ جنبِكَ, بالسهم المُصيب رُمِي
جحدتهـا, وكـتمت السـهمَ فـي كبدي
جُـرْحُ الأَحبـة عنـدي غـيرُ ذي أَلـمِ
رزقـتَ أَسـمح مـا في الناس من خُلق
إِذا رُزقـتَ التمـاس العـذْر فـي الشِّيَمِ
يـا لائـمي في هواه - والهوى قدَرٌ -
لـو شـفَّك الوجـدُ لـم تَعـذِل ولم تلُمِِ
لقــد أَنلْتُــك أُذْنًــا غـير واعيـةٍ
ورُبَّ منتصـتٍ والقلـبُ فـي صَمـمِ
يـا نـاعس الطَّرْفِ; لاذقْتَ الهوى أَبدًا
أَسـهرْتَ مُضنـاك في حفظِ الهوى, فنمِ
أَفْـديك إِلفًـا, ولا آلـو الخيـال َفِـدًى
أَغـراك بـالبخلِ مَـن أَغـراه بـالكرمِ
سـرَى, فصـادف جُرحًـا داميًا, فأَسَا
ورُبَّ فضــلٍ عـلى العشـاقِ للحُـلُمِ
مَــن المـوائسُ بانًـا بـالرُّبى وقَنًـا
اللاعبـاتُ برُوحـي, السـافحات دمِي؟
الســافِراتُ كأَمثـالِ البُـدُور ضُحًـى
يُغِـرْنَ شـمسَ الضُّحى بالحَلْي والعِصَمِ
القــاتلاتُ بأَجفــانٍ بهــا سَــقَمٌ
وللمنيــةِ أَســبابٌ مــن السّــقَمِ
العــاثراتُ بأَلبــابِ الرجـال, ومـا
أُقِلـنَ مـن عـثراتِ الـدَّلِّ في الرَّسمِ
المضرمـاتُ خُـدودًا, أسـفرت, وَجَلتْ
عــن فِتنـة, تُسـلِمُ الأَكبـادَ للضـرَمِ
الحــاملاتُ لــواءَ الحسـنِ مختلفًـا
أَشــكالُه, وهـو فـردٌ غـير منقسِـمِ
من كل بيضاء او سمراء زينتا
للعيـنِ, والحُسـنُ فـي الآرامِ كالعُصُمِ
يُـرَعْنَ للبصـرِ السـامي, ومن عجبٍ
إِذا أَشَــرن أَســرن الليـثَ بـالعَنمِ
وضعـتُ خـدِّي, وقسَّـمتُ الفؤادَ ربًى
يَـرتَعنَ فـي كُـنُسٍ منـه وفـي أَكـمِ
يـا بنـت ذي اللِّبَـدِ المحـمي ِّجانِبُـه
أَلقـاكِ فـي الغاب, أَم أَلقاكِ في الأطُمِ؟
مـا كـنتُ أَعلـم حـتى عـنَّ مسـكنُه
أَن المُنــى والمنايـا مضـرِب ُالخِـيمِ
مَـنْ أَنبتَ الغصنَ مِنْ صَمصامةٍ ذكرٍ؟
وأَخـرج الـريمَ مِـن ضِرغامـة قرِمِ؟
بينـي وبينـكِ مـن سُـمْرِ القَنا حُجُب
ومثلُهــا عِفَّــةٌ عُذرِيــةُ العِصَـمِ
لـم أَغش مغنـاكِ إِلا في غضونِ كَرًى
مَغنــاك أَبعــدُ للمشـتاقِ مـن إِرَمِ
يـا نفسُ, دنيـاكِ تُخْـفي كـلَّ مُبكيـةٍ
وإِن بــدا لـكِ منهـا حُسـنُ مُبتسَـمِ
فُضِّـي بتقـواكِ فاهًـا كلمـا ضَحكتْ
كمــا يُفـضُّ أَذَى الرقشـاءِ بـالثَّرَمِ
مخطوبـةٌ - منـذُ كان الناسُ - خاطبَةٌ
مـن أَولِ الدهـر لـم تُـرْمِل, ولمتَئمِ
يَفنـى الزّمـانُ, ويبقـى مـن إِساءَتِها
جــرْحٌ بـآدم يَبكـي منـه فـي الأَدمِ
لا تحــفلي بجناهــا, أَو جنايتهــا
المـوتُ بـالزَّهْر مثـلُ المـوت بالفَحَمِ
كـم نـائمٍ لا يَراهـا, وهـي سـاهرةٌ
لــولا الأَمـانيُّ والأَحـلامُ لـم ينـمِ
طــورًا تمـدّك فـي نُعْمـى وعافيـةٍ
وتـارةً فـي قـرَار البـؤس والـوَصَمِ
كـم ضلَّلتـكَ, وَمَـن تُحْجَـبْ بصيرتُه
إِن يلـقَ صابـا يَـرِد, أَو عَلْقمـا يَسُمِ
يــا ويلتـاهُ لنفسـي! راعَهـا ودَهـا
مُسْـوَدَّةُ الصُّحْـفِ فـي مُبْيَضَّـةِ اللّمَمِ
ركَضْتهـا فـي مَـرِيع المعصياتِ, وما
أَخـذتُ مـن حِمْيَـةِ الطاعـات للتُّخَـمِ
هــامت عـلى أَثَـرِ اللَّـذات ِتطلبُهـا
والنفسُ إِن يَدْعُهـا داعـي الصِّبـا تَهمِ
صــلاحُ أَمـرِك للأَخـلاقِ مرجِعُـه
فقـــوِّم النفسَ بــالأَخلاقِ تســتقمِ
والنفسُ مـن خيرِهـا فـي خـيرِ عافيةٍ
والنفسُ مـن شـرها فـي مَـرْتَعٍ وَخِمِ
تطغـى إِذا مُكِّـنَتْ مـن لـذَّةٍ وهـوًى
طَغْـيَ الجيـادِ إِذا عَضَّـت على الشُّكُمِ
إِنْ جَـلَّ ذَنبـي عـن الغُفـران ليأَملٌ
فـي اللـهِ يجـعلني فـي خـيرِ مُعتصَمِ
أُلقـي رجـائي إِذا عـزَّ المُجـيرُ على
مُفـرِّج الكـرب فـي الـدارينِ والغمَمِ
إِذا خــفضتُ جَنــاحَ الـذُّلِّ أَسـأَله
عِـزَّ الشـفاعةِ; لـم أَسـأَل سـوى أَمَمِ
وإِن تقـــدّم ذو تقــوى بصالحــةٍ
قــدّمتُ بيــن يديـه عَـبْرَةَ النـدَمِ
لـزِمتُ بـابَ أَمـير الأَنبيـاءِ, ومَـنْ
يُمْسِــكْ بمِفتــاح بـاب اللـه يغتنِـمِ
فكــلُّ فضـلٍ, وإِحسـانٍ, وعارفـةٍ
مــا بيــن مســتلمٍ منـه ومُلـتزمِ
علقـتُ مـن مدحـهِ حـبلاً أعـزُّبـه
فـي يـوم لا عِـزَّ بالأَنسـابِ واللُّحَـمِ
يُـزرِي قَـرِيضِي زُهَـيْرًا حين أَمدحُه
ولا يقـاسُ إِلـى جـودي لـدَى هَـرِمِ
محــمدٌ صفـوةُ البـاري, ورحمتُـه
وبغيَـةُ اللـه مـن خَـلْقٍ ومـن نَسَـمِ
وصـاحبُ الحـوض يـومَ الرُّسْلُ سائلةٌ
متـى الـورودُ? وجـبريلُ الأَمين ظَمي
ســناؤه وســناهُ الشــمسُ طالعـةً
فـالجِرمُ فـي فلـكٍ, والضوءُ في عَلَمِ
قـد أَخطـأَ النجـمَ مـا نـالت أُبوَّتُـه
مـن سـؤددٍ بـاذخ فـي مظهَـرٍ سَنِم
نُمُـوا إِليـه, فـزادوا في الورَى شرَفًا
ورُبَّ أَصـلٍ لفـرع فـي الفخـارِ نُمي
حَــوَاه فـي سُـبُحاتِ الطُّهـرِ قبلهـم
نـوران قامـا مقـام الصُّلـبِ والرَّحِم
لمــا رآه بَحــيرا قــال: نعرِفُــه
بمـا حفظنـا مـن الأَسـماءِ والسِّـيمِ
سـائلْ حِراءَ, وروحَ القدس: هلع َلما
مَصـونَ سِـرٍّ عـن الإِدراكِ مُنْكَـتِمِ؟
كــم جيئـةٍ وذهـابٍ شُـرِّفتْ بهمـا
بَطحـاءُ مكـة فـي الإِصبـاح والغَسَمِ
ووحشــةٍ لابــنِ عبـد اللـه بينهمـا
أَشـهى مـن الأُنس بالأَحبـاب والحشَمِ
يُسـامِر الوحـيَ فيهـا قبـل مهبِطـه
ومَــن يبشِّـرْ بسِـيمَى الخـير يَتَّسِـمِ
لمـا دعـا الصَّحْـبُ يستسقونَ من ظمإٍ
فــاضتْ يـداه مـن التسـنيم بالسَّـنِمِ
وظلَّلَتــه, فصــارت تسـتظلُّ بـه
غمامــةٌ جذَبَتْهــا خِــيرةُ الــديَمِ
محبــةٌ لرســولِ اللــهِ أُشــرِبَها
قعـائدُ الدَّيْـرِ, والرُّهبـانُ فـي القِمـمِ
إِنّ الشــمائلَ إِن رَقَّــتْ يكـاد بهـا
يُغْـرَى الجَمـادُ, ويُغْـرَى كلُّ ذي نَسَمِ
ونـودِيَ: اقـرأْ. تعـالى اللـهُ قائلُهـا
لـم تتصـلْ قبـل مَـن قيلـتْ له بفمِ
هنــاك أَذَّنَ للرحــمنِ, فــامتلأَت
أَســماعُ مكَّــةَ مِـن قُدسـيّة النَّغـمِ
فـلا تسـلْ عـن قريش كيف حَيْرتُها؟
وكـيف نُفْرتُهـا فـي السـهل والعَلمِ؟
تسـاءَلوا عـن عظيـمٍ قـد أَلـمَّ بهـم
رمَــى المشــايخَ والولـدانَ بـاللَّممِ
يـا جـاهلين عـلى الهـادي ودعوتِـه
هـل تجـهلون مكـانَ الصـادِقِ العَلمِ؟
لقَّبتمــوهُ أَميـنَ القـومِ فـي صِغـرٍ
ومــا الأَميــنُ عـلى قـوْلٍ بمتّهَـمِ
فـاق البـدورَ, وفـاق الأَنبيـاءَ, فكـمْ
بـالخُلْق والخَـلق مِـن حسْنٍ ومِن عِظمِ
جـاءَ النبيـون بالآيـاتِ, فـانصرمت
وجئتنــا بحــكيمٍ غــيرِ مُنصَـرمِ
آياتُــه كلّمــا طـالَ المـدَى جُـدُدٌ
يَــزِينُهنّ جــلالُ العِتــق والقِـدمِ
يكــاد فــي لفظــةٍ منـه مشـرَّفةٍ
يـوصِيك بـالحق, والتقـوى, وبالرحمِ
يـا أَفصـحَ النـاطقين الضـادَ قاطبـةً
حــديثُك الشّـهدُ عنـد الـذائقِ الفهِـمِ
حَـلَّيتَ مـن عَطَـلٍ جِـيدَ البيـانِ به
فـي كـلِّ مُنتَـثِر فـي حسـن مُنتظِمِ
بكــلِّ قــولٍ كـريمٍ أَنـت قائلُـه
تُحْـيي القلـوبَ, وتُحْـيي ميِّـتَ الهِممِ
سَــرَتْ بشــائِرُ بالهـادي ومولِـده
في الشرق والغرب مَسْرى النور في الظلمِ
تخـطَّفتْ مُهَـجَ الطـاغين مـن عربٍ
وطــيَّرت أَنفُسَ البـاغين مـن عجـمِ
رِيعـت لهـا شُرَفُ الإِيوان, فانصدعت
مـن صدمـة الحق, لا من صدمة القُدمِ
أَتيـتَ والنـاسُ فَـوْضَى لا تمـرُّ بهم
إِلاّ عـلى صَنـم, قـد هـام فـي صنمِ
والأَرض مملــوءَةٌ جـورًا, مُسَـخَّرَةٌ
لكــلّ طاغيـةٍ فـي الخَـلْق مُحـتكِمِ
مُسَـيْطِرُ الفـرْسِ يبغـى فـي رعيّتـهِ
وقيصـرُ الـروم مـن كِـبْرٍ أَصمُّ عَمِ
يُعذِّبــان عبــادَ اللــهِ فـي شُـبهٍ
ويذبَحــان كمــا ضحَّــيت َبـالغَنَمِ
والخــلقُ يَفْتِــك أَقـواهم بـأَضعفِهم
كــاللَّيث بـالبَهْم, أَو كـالحوتِ بـالبَلَمِ
أَســرَى بـك اللـهُ ليـلاً, إِذ ملائكُـه
والرُّسْـلُ في المسجد الأَقصى على قدَمِ
لمــا خـطرتَ بـه التفُّـوا بسـيدِهم
كالشُّـهْبِ بـالبدرِ, أَو كـالجُند بـالعَلمِ
صـلى وراءَك منهـم كـلُّ ذي خـطرٍ
ومــن يفُــز بحــبيبِ اللـه يـأْتممِ
جُـبْتَ السـمواتِ أَو مـا فـوقهن بهم
عـــلى منــوّرةٍ دُرِّيَّــةِ اللُّجُــمِ
رَكوبـة لـك مـن عـزٍّ ومـن شرفٍ
لا فـي الجيـادِ, ولا فـي الأَيْنُق الرسُمِ
مَشِــيئةُ الخـالق البـاري, وصَنعتُـه
وقــدرةُ اللــه فـوق الشـك والتُّهَـمِ

!!!وهكذا اصبحنا ... نأكل من الزباله

للاسف هذا ما يحدث الان فى مصر ولا نقدر على التخفى اوالتستر او الانكار او دفن رؤسنا فى الرمال لانها الحقيقه المرة لم تطاوعنى نفسى ان اقوم بتصوير هؤلاء الذين اراهم يومياً يحتشدون من كبار وصغار رجال ونساء حول اماكن القاء فضلات الفنادق الكبرى او الملاهى الليليه والمطاعم فقلت فى نفسى ان كثير من المواقع تمتلىء بهذه الصور والعديد من المدونين المصريين قد قاموا برفع فيديوهات تجسد تلك المأساه على اليو تيوب ويكفى ان نبحث فى جوجل بكلمة يأكلون من الزباله ونجد ما يتعسنا من المشاهد التى تقشعر لها الابدان ولن اعطى الفرصه لأى عربى شامت حاقد من العرب الاجلاف وليس كلهم بالطبع بل منهم من يكرهنا ويفرح فى مصابنا. او ان يأتى شخص لذيذ ويقولى ان هذا ليس حال المصريين فقط بل انها ظاهره فى كل العالم نعم انها ظاهره عالميه ولكن بالله عليكم عمرنا شوفنا قحط وتشرد وذل وحرمان مثل الذى يعانيه الشعب المصرى الان طول عمرنا مستورين والخير كله فى مصر ان مصر ذكرت فى القرآن بأنها بلد المقصد لكل من يريد الزاد والطعام والخير كله اليست هى ما ذكرها الله فى قوله تعالى " وإذ قلتم يا موسى لن نصبر على طعام واحد فأدعوا لنا ربك يخرج لنا مما تنبت الارض من بقلها وقثائها وفومها وعدسها وبصلها قال اتستبدلون الذى هو أدنى بالذى هو خير أهبطوا مصرا فأن لكم ما سألتم " صدق الله العظيم " سورة البقرة الايه 61 . يعنى مصر منذ فجر التاريخ وهى تشتهر وتتصف دائمًا بأنها ارض الثمرات الخيره والطعام يطعم العالم كله ومن يريد المزيد يأتى اليها فكيف اصبحنا الان !! وممكن برضه لوانا نشرت صور وعلقت عما يحدث يأتى من يتهمنى بأنى اشوه سمعة مصر !!! فهاأنذا لم افعل كل هذا ولكنى فقط اتسائل مجرد سؤال الم يدرى رئيسنا بما يحدث لنا من تدهور وانهيار ونقص فى الرزق وسعار للاسعار مع انخفاض الدخول ... الم تعلم يا سيدى بالله عليك ان شعبك يأكلون من الزباله ؟؟ الم تعلم ان الزبالين فى مصر التابعين لشركات النظافه يتسولون ويشحذون ؟؟ الم يصلك ان حال الناس دلوقتى اصبحوا يكلمون انفسهم وهم يسيرون وحدهم فى الشارع وكأنهم سكارى او مخابيل من شدة فقرهم وقلة حيلتهم؟؟ الم تعلم سيدى بتفشى الفوضى والانحلال والرشوة والفساد والسرقه عينى عينك؟؟ الم تعلم ان اللحمه ب40 جنيه الكيلو والفراخ ب11 جنيه والارز 4 جنيه والعدس ب10 والفول ب7 جنيه وزجاجة الزيت ب11 جنيه والرغيف خارج افران الدعم وصل75 قرش يعنى ماهيات الناس ما تأكلشى ولادها عيش حاف حتى وعشرات الالاف من العاملين والموظفين فقدوا وظائفهم واجبروا وهم فى عز الشباب ان يتركوا وظائفهم لان الحكومه خصخصتها وباعتها برخص التراب للعرب والاجانب تحت شعار الخصخصه اى " المصمصه " الم تعلم ان رجال اعمالك الوزراء اصحاب السلطه فى مصر قد فشلوا فشل زريع وان المصريون الان يتعرضون لاكبر عملية نصب فى تاريخ مصر هدفها اغتيال المواطن محدود الدخل الذى لا حول له ولا قوه خيرة شباب مصر اصبحوا عاطلين لا يجدون فرص عمل وتحول خريجى الجامعه الى بائعين جائلين فى الشوارع وداخل الاتوبيسات وتحولت فتيات مصر الى سلعة رخيصه مجرد انثى تحاول البحث عن زوج خليجى او مجرد عاشقه تمارس الدعاره فى مقابل ان تعيش وتأكل وتشرب ... كل ذلك يحدث فى مصر واكثر ان ما يحدث فى مصر الان تشيب له الولدان فى بطون امهاتهم .. مصر تباع بلا ثمن .. مصر باتت اليوم حزينه كئيبه ... اين انت يا ريسنا واين حكومتك مما يحدث لنا الان ... اينام السيد رئيس الجمهوريه هو وحكومته هانئين البال سعيدين غير مبالين بما يحدث للشعب اين ضمائركم ؟؟؟ اتشعرون والنبى براحة الضمير والنوم الهانىء وابناء الوطن يأكلون من الزباله ويشربون من الصرف الصحى ولا يجدون رغيف العيش ... اين العدل لديكم .. اين دوركم اننا رجعنا الى عصر الاقطاع الى ما قبل الثوره فمصر الان تعيش عصر احفاد الاقطاع الجدد واصبح ذوى الاسماء الرنانه فى عالم البيزنس هم المتحكمون فى اقتصاد البلاد هم من يمتلكون التوكيلات التجاريه ويتحكمون فى اسعار السلع التى ينتجوها والخدمات التى يحتكرونها.. وهم وحدهم الذين يصنعون الثروات الطائله ويحصلون على القروض والمعونات ويملون على الحكومه مطالبهم ويملك كل منهم اموالا لا تقل عن مليار جنيه يبقى والنبى هيبوصولنا احنا ... احنا ربنا ياخدنا ويريحهم من مشاكلنا .. هؤلاء اصبحت لهم مجتمعاتهم المغلقه عليهم ولهم قصورهم ونواديهم وشواطئهم وحفلاتهم ويخوتهم وطائراتهم .. ولهم خصيصاً افتتحت بيوت الازياء العالميه افرعاً لمحلاتهم فى مصر لتبيع لهم الاحذيه المصنوعه من جلد النعام والسلاحف بأسعار تبدأ من 7 الاف جنيه للجوز الواحد "يا بلاش والله " وأنشئت لهم شركات خاصه لاستيراد وجبات العشاء والغذاء جاهزه من محلات مثل "فوشون" بباريس " و"هارودز" بلندن ولهؤلاء بالذات يتم استيراد الخدم من انجلترا وفرنسا وايطاليا واسبانيا وسويسرا ... وتأتى اسماء شركاتهم ومؤسساتهم ضمن قوائم الشركات العملاقه على مستوى العالم ... وتربطهم المصالح والاهداف وتتداخل شركاتهم فيما بينهم بشكل او بآخر .. وهم الذين يعيدون رسم الخريطه الاجتماعيه والاقتصاديه للمجتمع المصرى . انهم بالفعل احفاد الاقطاع القديم او بمعنى اصح الصوره المعدله منه ومن اشهرعائلات البيزنس فى مصرعائلة غبور والراحل عثمان احمد عثمان وساويرس، ومحمد نصير ، وابو العينين ، واحمد عز ، واحمد بهجت ، ومحمد فريد خميس ، ومحمد لطفى منصور وزير النقل وصاحب مجموعة منصور لسيارات الشيفورليه وخط انتاج سجائر مارلبورو وحصه فى ماكدونالدز وسلسلة سوبر ماركت مترو بنظام الفرانشايزر،وعائلة المغربى وزير الاسكان ، ورشيد وزير التجاره والصناعه ، وعائلات شتا ، وصبور، وحجاب وجبر،والشريف ، وابو جازيه، ومكى ، وسعودى ، وابو النصر، ومشهور، وفرج فلتسى، وعبد النور، وصدقى ، والجبلى ، والالفى، وابو ستيت ، وسيد الاهل، وابو الفتوح ... ولنا الله احنا بقى .. صلوا من اجل مصر وعلى رأى عمنا الكبير احمد فؤاد نجم لما قـــال
احنا الغلابه * وهما السلاطين
هما مين * واحنا مين
هما الامرا والسلاطين
هما المال والحكم معاهم
واحنا فقرا ومحكومين
هما مين واحنا مين
هما الامرا والسلاطين
هما الفيلا والعربيه
والنساوين المتنقيه
واحنا حيوانات استهلاكيه
شغلتهم حشو المصارين
حزر فزر شغل مخك
شوف مين فينا بياكل مين
احنا مين وهما مين
احنا قرنفل على ياسمين
احنا الحرب حطبها ونارها
احنا الجيش اللى يحررها
واحنا الشهدا فى كل مدارها
حزر فزر شغل مخك
شوف مين فينا بيقتل مين
هما مين واحنا مين
هما الامرا والسلاطين
هما مناظر بالمزيكه
والزفه وشغل البولوتيكا
ودماغهم طبعاً استيكا
بس البركه فى النياشين
حزر فزر شغل مخك
شوف مين فينا بيخدع مين
هما الامرا والسلاطين
هما بيلبسوا آخر موضه
واحنا بنسكن سبعه فى اوضه
هما بياكلوا حمام وفراخ
واحنا الفول دوخنا وداخ
هما بيمشوا بطيارات
واحنا نموت فى الاتوبيسات
هما حياتهم تمضى جميله
هما فصيله واحنا فصيله
حادى بادى يا عبد الهادى
راح تفهم قصد الغنوه دى
لما الشعب يقوم وينادى
يا احنا يا هما فى الدنيا دى
حزر فزر شغل مخك
شوف مين فينا حيغلب مين