Saturday, April 19, 2008

كلام فى كلام

أنا مصرى


أنا مصرى إبن مصرى وليا الشرف

برغم المهانه برغـــــــــــــــم القرف

برغم الزباله اللى ماليه الشــــــوارع

برغم الفســـــــــــاد اللى بيه أعترف

سمو معـــــــــــــــالى رئيس الوزاره

نتيجه موظف بسيـــــــــــــط انحرف

برغم المجاعه اللى داخلين عليهــــــا

وفينا اللى عـــــــايش حياتهُ فى تـَرف

برغم البطــــــــاله فى أوضه وصاله

برغم إن أخر جنيـــــــــــــه إتصرف

برغم طـــــــــــابور الصباح السخيف

وكل منايا يادوب كــــــــــــــام رغيف

برغم أسايـــــــــا لمنظر عشايـــــــــــا

وأقول مش مهم يــــــــــا واد نام خفيف

برغم إنى شايف بــــــــــلاوى وساكت

وعايش مطنش كـــــــــــــــأنى كفيف

برغم الســـــــــــلام اللى غرقت بناسها

برغم العيـــــــال اللى ساكنه الرصيف

برغم حكومه شعـــــــــــــارها الكلام

ورغم رئيسنــــــــــــــا عليه السلاااام
يـلــبسنا تـهمــه تمــــــام التمــــــام
عشــــان قـــلنا مــره كفـــايه امتهــان
وقـــال ايه طـــوارىء كتمــنا الكـــلام
خــرسنا فى بلدنـا وســجنوا العـــيال
وحـــطينـا جـزمــه بـأمـر الحـاخـــام


ورغـــم أن كــله يـــــــــــا عالم بيغلى

إلا كرامتى بترخص قــــــــــــــــوام

برغــــــــــم إنى عايش فـ بلدى فريسه

ووجبه شهيه لبعض اللئـــــــــــــــــام

برغم ان كـــــــــــــل تاريخك يا بلدى

فـ عهد جنابه كـــــــــــــلام فوق رخااام

برغم ده كله يــــــــــــا مصر بحبك

ودا يا مصر عندى آخـر كـلام
منقول مع بعض التعديل
========================================
كلام فى كلام فى كلام ما بقاش حيلتنا غير الكلام ووقت الجد ننكتم ونخاف
لحد امتى حنفضل نتكلم ومافيش فعل امتى حناخد موقف
امتى هنبقى كلنا ايد واحده ونثبت على موقفنا امتى
هنصرخ فى وش الظلمه ونقول لا ... لازم نتهان
لازم نتسحل ونتذل اكتر من كده علشان نفوق بقى ونصحى
والله خســــاره فينا حقيقى الكلام

Wednesday, April 9, 2008

ما شربتش من نيلها

أقدم لكم أغنية
مشربتش من نيلها

ولكن مع بعض اللمسات الابداعية
بلدنا آمانة فى إيدينا


نعليها مادام عايشين





نعيش فيها سنين و سنين






و إحنا مطمنين



ما شربتش من نيلها؟




طب جربت تغنيلها؟؟



جربت فى عز ما تحزن تمشى فى شوارعها و تشكيلها









ما مشيتش فى ضواحيها؟








طيب ما كبرتش فيها؟؟






ولا ليك صورة ع الرمله كانت ع الشط











بموانيها؟؟








دور جواك تلقاها هى الصحبة و هى الأهل










عشرة بلدى بتبقى نسيانها ع البال مش سهل










يمكن ناسى لإنك فيها









مش واحشاك و لا غيبت عليها










بس اللى مجرب و فارقها قال فى الدنيا ما فيش بعديها












إن غبت بحنلها و أنسى الدنيا و أجيلها









و إن جيت أنسى تفكرنا بمليون ذكرى القلب شايلها








غالية بلدنا علينا... و ها تفضل فى عنينا







و مدام بنحب بلدنا... تبقى ها تتغير بإيدنا ****







إحنا اللى نعليها... بإيدينا نخليها








أجمل لينا و لولادنا مهما العمر يعدى عليها



بالزمه يا عالم لما شعب يوصل للمرحله دى من الانحدار والانهيار يعمل ايه غير انه يولع فيها وفى حكوميتها وشواريعها وناسها ونيلها ؟
ومش عايزينا نعمل اضراب ومش عايزينا نفتح بقنا .. عايزينا نتكتم ونحط جزمه فى بقنا ليه ؟
ليه يا حكومه بتكمموا اصواتنا وتخرسوا معاها صوت الحق ؟ وتعتموا الاعلام قصدى اللى كان اعلام

ليه بتزيفوا الحقيقه وتقولوا ان اللى بيعمل كده دول ناس مغرضه ومندسه وان البلد عشره على عشره بتضحكوا على مين مع ان الحقيقه واضحه زى الشمس للاعمى.. وان دى مخططاتكم والاعيبكم القذره المكشوفه الخيبانه من زمان
لكن هى دى بداية الغيث
بدال ما تهددونا وتكممونا .. اسمعونا علشان ما ننفجرشى فى وشكوا
هى يعنى الناس كفرت لما احتجت واضربت وقالت كفايه بقى ذل وقرف
خلاص بقوا ارهابيين علشان بيطالبوا بحقوقهم ويطالبوا يعيشوا
حياه آدميه طبيعيه زى كل الشعوب دول عايزين ابسط حقوقهم
حقهم فى حياه كريمه وآدميه
حتى دا مش من حقنا
حسبنا الله ونعم الوكيل