رساله لبابا نويل من طفل فلسطينى

نفسى فى بابا ما عنديش بابا وعايزك بابا لمدة يوم
مش لاقى حد اقوله يا بابا وشفتك بابا
رد يا بابا
اصل ابويا واخويا وجدى
ماتوا شهداء على ايد صهيون
وصحينا لقينا حكامنا باعونا فى ساحة شوم

وصراع ع السلطه من الداخل انا دايماً فيه المظلوم
واليوم بصرخ واطلب منك تعمل حاجه لغزه يا بابا
يمكن تنفع هداياك ليهم ولا دعاك
بستناك .. بستناك من بدرى يا بابا
ليه حق الطفل الغزاوى تاه فى الزحمه
ولا لاقيين حد ينجينا ويلعبنا وينسينا

زى ولادكم اللى هناك
اللى الضحكه مليا عينيهم
دا انتوا هناك تعطفوا على كلب
!!! وتسيبوا الانسان ينداس

نفسى يا بابا اكون انسان زى ولاد الكون دفيان
لقيتك بتحقق امانيهم اطفال ياما فى كل مكان
وانا عايش محروم وجعان
واقف بتفرج وانا نادم انى نشئت بين العربان

اعمل حاجه .. هات لى طاقية
اختفى بيها بين الناس
وانقذ اهلى وانقذ امى
ساكت ليه مش لاقى كلام؟؟


يرضيك دا اللى بيحصل لينا من تشريد وحصار ودمار
!!!ولا حتسكت زى جيرانى وتعمل نفسك مش فهمان

دا انا انسان والله يا اخونا ليه سيبينى فى الالغام؟
ييجى عليا العام التالى واقف ابكى وسط زحام
كل الدنيا باعتنى فى ثانيه .. ايه اللى عملته عشان اتهان
كل ولاد الدنيا بتلعب وانا بلعب فى عظام . اكفان
واصحى وانام على جيفه نتان

وان جاه عليا اليوم التالى ما تمناش ييجى غيره كمان
وهعيش ليه ولا اعمل ايه لعالم مات فيها الانسان

كتر خيرهم برضوا .. رفضوا وشجبوا ودانوا وخرجوا
وعملم قمه كفايه عليهم

عارف انك مشغول جداً الايام دى
فى كل بلاد ربنا معزوم
بس الناس فى بلادى يا بابا هنا ع الدم تنام وتقوم
وانت يا أما تجيبلى حقوقى
ولا تاخدنى معاك يا سى بابا
لعالم تانى يكون مفهوم



"حنين"