أحلي صباح مع أحمد فؤاد نجم عمنا الكبير قوى سفير الفقرا
دا شعب فقرى
نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ....... نسترحمك
نستعطفك .......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقرى مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد "غازه" لإسرائيل
ويومين كمان ويمد نيل
أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد "مستوطنة "
(متسلطنة بالسرطنة)
إيه اللي خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
بخيار) حنسد عين الشمس بيه)
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس واقب وأعود
بشعب يريحك
راضى وعمره مايجرحك
أخرس ومابيسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم
أحمد فؤاد نجم
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ....... نسترحمك
نستعطفك .......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقرى مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد "غازه" لإسرائيل
ويومين كمان ويمد نيل
أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد "مستوطنة "
(متسلطنة بالسرطنة)
إيه اللي خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
بخيار) حنسد عين الشمس بيه)
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس واقب وأعود
بشعب يريحك
راضى وعمره مايجرحك
أخرس ومابيسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم
أحمد فؤاد نجم
33 comments:
الا انى لا احب نجم الا ان له كلام غاية فى الروعة تحياتى لهذا الاختيار الواعى
تحياتى
عمرو
حنين
ازيك
عمنا نجم الجميل مفيش كلام يتقال بعد كلامه
بحب اسمك عشان حنين لحاجات كتير اولها الوطن
ولانى اول ما باقراه بيرن فى ودنى صوت ورده فى احلى اغانيها
شايلاك فى نن عينى يا عينى واللى بينك وبينى اشواق كل الاحبه و"حنين"المحرومين
انا دايبه فيك "حنين"0
يارب يارب يارب
يسمعوا كلام عم نجم ويرحلوا ويسبوهم من الشعب الفقري ده وخلينا نشوف خلق جديده
كل عام وانت بألف خير بمناسبة عاشوراء
الشاعر بن هلال
استاذه حنين
ربنا يبارك فيكي ويعزك ومدونتك بجد رائعه
انابس جيت علشان اعتذر لحضرتك واتأسف عن سوء التفاهم اللي حصل عند استاذه فانتازيا
واقول لحضرتك ان الاسلوب ده والله مااسلوبي ولااحب ان اتكلم به تماما ولكن هذه هي طبيعة حوار استاذه فانتازيا معي انا واليعقوبي فاتكلمنا بنفس الاسلوب بتعها اللي حضراتكم لم تعقبوا عليه وصدقيني والله انا لااحب ولايحق لي ان اكفر احد ولم اكفر احد ولكن التهكم علي اصحاب النبي امرعظيم جدا وهو مافعلته الاستاذه في ردها علي اخونا محمود اما الامر الثاني فلكم ان تسألوا فيه العلماء
وعلي فكره في مدونين علمانيين بيجوا عندنا المدونه بيعلقوا علي الموضوعات وبنختلف مع بعض بمنتهي الهدوء والاحترام منهم الاستاذ ايجبت ايس والاستاذموهان ولم تخرج منا كلمة تجريح واحده لانهم ايضا يعلقوا بهدوء شديد
_____________________-
وصدقيني حضرتك لوانتي رحتي شفتي المحاكمات العسكريه وشوفتي زوجات وابناء قادة الاخوان والله فعلا هيصعبوا عليكي جدا وصدقيني الناس دي لو عايزه اي حاجه غير وجه الله كانوا سلكوا طريق اخر ايسر من طريق الاخوان ولكن ايضا لم اتي لادافع عنهم بس حبيت اوضح لحضرتك اني اشفق عليهم جدا وناس كتير علمانيين اعرفهم متضامنين معهم ويشفقون عليهم ويعلمون ان الاخوان يحبون وطنهم ويعملون من اجل اصلاحه ولواختلفت الرؤيا مع الغير
_______________________
وحضرتك لم توجهي لي كلمه من الاول بطريق مباشره انتي واستاذه نسرين علشان كده كان الرد حاد وده طبعا غلط مني اعتذر عنه
_____________________-
وفي النهايه ان بعتذر لحضرتك وللاستاذه نسرين وحبيت اتكلم هنا في مكان هاديء وارجوا ان تعتبروني زي اخوكم الصغير وتسمحوني في اي اساءه حدثت مني سواء بقصد او بغير قصد ووالله الاسلوب ده اصلا مش اسلوبي لافي الحياه ولاالتعامل ولاحتي الكتابه ويشرفني جدا ان انا اعلق عند حضرتك وان شاء الله مش هتكون اخر زياره لمدونتك الرائعه
وجزاكم الله كل خير ووفقنا لم يحبه ويرضاه في الدنيا والاخره
وتحياتي وتمنياتي بالخير والتوفيق
هههههه
ان شر البليه ما يضحك مين ده اللى يسبنا بساهل كده ده قاعد على نفسنا ومش هيطلع الا بونش بشيله ولا قنبله زريه
تصدقى لازم الشعب يتحرك بقه هو هيتحرك امتى بقه راجل فساده فاق الحد كفايه اللى عمله فى اهل غزه العميل الخاين ديل الامريكان
تحياتى لك ولاء
انا بموت في نجم والله
بحسه في السبعين بس قلبه قلب عشرينات
اااااااااه فعلا يعني احنا زهقنا بجد من النعيم ياريت يبهدلونا شويه
فكرني كلامه بمسرحيه الزعيم
اللهم كتر من جرجيره يارب اللهم جرججره
اللهم خدنا احنا ياااخي
تحياتي
انسان بلا عنوان
اهلا وسهلا بيك زياره اولى لمدونتى فعلا سعدت وتشرفت بيها وسعيده ان كلام احمد نجم عجبك وياريت نسعد بتشريفك ومشاركتك معانا دائماً
تحياتى
العسوله / نسرين
منوره والله وانا اقول ايه النور اللى هل علينا دا تصدقى ان انا كمان بعشق الاغنيه دى بالذات لورده انا بحب كل اغانيها طبعاً بس دى بالذات فيها شجن كده غريب ذوقك حلو فى الاغانى وفى كل حاجه بصراحه وموضوع نائبة البرلمان دا اللى تحفه حقيقى دمك زى العسل وصباحك فل انشاء الله ... سعيده بمرورك بجد وياريت ما تحرمناش من تعليقاتك اللذيذه
سلام يا نسر
اخى العزيز/ احمد " اجرى على الله
بضم صوتى لصوتك بالدعاء اللهم آمين يهونا بقى شويه لحسن بجد اتخنقنا حقيقى
المهم انت عامل ايه وعملت ايه فى الامتحانات ربنا معاك ويوفقك يا رب
وكل سنه وانت بألف خير وصحه وسعاده انت وكل من تحب
تحياتى
الاستاذ / الجعفرى
قبل اى شىء اهلا وسهلا بيك ضيفاً عزيزاً فى مدونتى المتواضعه وانا والله يا اخى مش زعلانه ولا حاجه وكفايه اعتذارك وانك جيت عندى هنا والمثل بيقول من دخل بيتك جاب الحق عليك انا بس والله حزينه جداً ومتضايقه بجد ان النقاش ما بينا اتطور ووصل للحاله دى كان نفسى نختلف بس فى النهايه نظل اخوات واصدقاء وحبايب نفسى نعرف ان احنا مسلمين زى بعض وفى نفس المركب لو البلد لا قدر الله حصل لها حاجه مش حتفرق بين مسلم اخوانى او علمانى او بتنجانى ليه قسمنا روحنا كده ليه اتفرقنا ومجمعتناش كلمة لا اله الا الله محمد رسول الله ليه كل واحد حاسس ان اخوه هو عدوه وانتم فى الاخر غايتكم وهدفكم واحد ان انتوا بتحبوا البلد دى وخايفين عليها ونفسكم تشوفوها فى احسن حال ليه ما نتحدشى كده ونكون زى الجسد الواحد اذا اصاب عضو تداعى له سائر الاعضاء بالسهر والحمى معلشى انا مش حافظه الحديث كويس وبكتب وانا متأثره دا الاوربيين ليه كلمتهم مسموعه وماحدش بيقدر يقولهم بم علشان فى اتحاد اوروبى ليهم واحنا يا عرب او احنا يا مسلمين ومصريين بنتشتت ومش عارفين نتحد انا على فكره مش علمانيه بس بقدر واحترم كل انسان علمانى وغير علمانى على وجه الارض الناس العلمانيين دول بقدرهم بجد لان تفكيرهم وتحليلهم وحكمهم على الظواهر والامور من منطلق ومنظور علمى بحت وطلب العلم فريضه وربنا امرنا بيها وربنا قال يخشى الله من عباده العلماء ... ولا ايه ولا انا كلامى غلط والنبى يا جماعه حد يقولى لو كنت غلطانه علشان انا بتكلم من معرفتى وقرائتى عنهم البسيطه مش بحرفيه يعنى وبعدين انا شايفه من كلامك انك انسان مهذب ومحترم ومتدين وعلى خلق ومتأكده انك كنت متحمس اثناء كتابتك وغضبان وغيران على دينك ودا شىء كويس بس كان ممكن النقاش يكون اهدى من كده وياخد شكل احسن من كده وبرضه والله الاستاذه فانتازيا كانت متحمسه لعرض ومناقشة وجهة نظرها وتبادل الاراء حول الموضوع بس الحماسه اخدتكم انتوا الاتنين بس والله انت اخويا وهى اختى وفانتازيا اختى وحبيبتى وانسانه على قدر كبير من الثقافه والوعى والعقل والنقاء والطيبه وحب الناس كلها جميلة الروح فعلا والله انا نفسى الموضوع ينتهى على تصالح وصداقه لان كلنا اخوات
وبرضه انا بعتذر ليك على اى كلمه ممكن تكون صدرت منى مش لطيفه لشخصك او للاخوان لانهم فى الاول والاخر اخواتنا واخواتنا وانت اخونا وغايتنا جميعا واحده وهى نصرة الاسلام واعزازه وتحقيق شرع الله وسنة نبيه وكل سنه وانت طيب وشرفتنى بجد وتنورنى فى اى وقت انت والاستاذ اليعقوبى انتوا الاتنين اصحاب مدونه وحصل خير انشاء الله
خالص تحياتى
كلام احمد فؤاد نجم اللى انتى اخترتيه
يدل على حبك لمصر وعشان كده انا بحيكى
اختيار موفق
عزيزتى ولاء
ازيك يا قمر عامله ايه صحيح والله يا اوختى مش نافع معاهم الكلام الناس دى قاعدين على قلبنا لطالون تصدقى النهارده زودوا جيركن زيت العربيات وزياده كبيره كمان مع ان السيد المحترم وزير البترول بيقول ان بترول مصر فى حالة غزاره وانه مليان مازوت وازوت وزفت على دماغ اللى جابوهم يعنى بيفيض ويصدروه لبلاد بره طيب يبقى ليه بيغلوه السرقه بقت عينى عينك فى البلد دى والله والناس ساكته هى الحكومه دى عايزه ايه مننا بجد عايزينا نبيع هدومنا الله يفقرهم ويخرب بيوتهم ولاد الحراميه ويخلصنا منهم بقى لحسن الواحد بجد فاض بيه .. حسبى الله ونعم الوكيل
نورت يا قمر ما يحرمناش من مرورك علينا
sh ah
يا اهلا يا اهلا بالناس الحلوه دى انا زورت مدونتك والله وبدون مجامله روعه كلها بهجه كده وسعاده وفعلا شكل جديد للمدونات مش واخدين عليه انا والله سعيده ان كلام عمنا احمد نجم عجبك وسعيده بوجودك عندى فى مدونتى المتواضعه وارجوا دوام التواصل بس انت اسمك كده حقيقى ولا بتهذر اصله اسم غريب شويه مش عارفه بقى حقيقى انت نورت
خالص تحياتى
coca
يا مرحبا يا مرحبا ... كوكا الجميله عندنا بجد مش مصدقه انا على فكره بزور مدونتك انتى وايمى كتير وبتعجبنى موضوعاتكم قوى حاسه انها فيها روح المغامره والشباب والنشاط كده بجد جميله ربنا يبارك لكم فيها انا بجد سعيده بزيارتك وشرف لى انك تشرفينى وعجبنى قوى تعليقك وتشبيهه بكلام عادل امام فكره المسرحيه دى كانت مسخره بجد
نورتينى يا كوكا وياريت تتكرر الزياره دايماً سلميلى على ايمى
سلام يا قمر
بحبك يا مصر
الله ... بجد اسم جميل قوى بحييك عليه كلنا بنحبها بس دى مش اغنيه والله..ههههه
مصر دى امى صح والا ايه والله انا من عشاقها وقاعدين على قلوبهم ودماغهم والمثل بيقول اصبر على جارك السو او حكومتك السو او نظامك السو ليغور لا يجيله نصيبه تاخده انشاء الله يا رب تجيلهم نصيبه تاخدهم وتخلصنا منهم .. معلشى خدتنى الجلاله قوى اصل محروقه قوى يا اخى من ولاد الهرمه دول الحراميه ولاد ال... يااللا ما علينا
بجد اهلا بيك ضيف عزيز بجد نورتنى وسعيده انى اختيارى لكلام عم نجم عجبك ويا ريت متكونش الاولى والاخيره
تحياتى
عاش الزعيم .. يحيا الزعيم
الزعيم نجم طبعاً
يا سلام
عم نجم دا عنده تشبث بالحياة ملهم
وكلامه قد إيه بسيط لكن في مقتل
جميل أوي ان الانسان يعيش على الأمل
ويفضل يسعى للتغيير حتى آخر نفس
شكرا على نشر القصيدة يا حنين
حنين يا عزيزتي
أستسمحك بس في كلمة للأخ بتاع الركن البعيد الهادي ده
أنا والله سعيدة جدا إنه تراجع عن أسلوبه الفج, وبيحاول يراضي الناس اللي غلط في حقهم لمجرد اتفاقهم معي في الرأي
لكن مثل هذا الاسلوب الملتوي من طرق الأبواب الخلفية وكأن أنا اللي عملت الدوشة ووجع الدماغ والاحاديث الفارغة عندي, لا يليق بأي انسان يدعي الاحترام أو يملك الشجاعة الادبية
ابسط ادبيات الرجوع للحق والاعتذار الواجب عن الخطأ هو أن يكون في نفس السياق وأمام جميع الناس الذين شهدوا المهزلة
واذا كنتي يا حنين سامحتي في حقك, فأنا مش مسامحة فيه, لان التطاول وتعدي الحدود حدث للأسف على مدونتي
ولازم الأخ دا يمتلك من الشجاعة أن يعتذر لك ولنسرين أمام الجميع, إذا كان فعلا ينوي التكفير عن خطأه
يا أستاذ الخلق الاسلامي مفيهوش مكان هادي ونتصالح ف ركن على جنب. أين حمرة الخجل؟ أهذا اعتذار لائق؟ هل ترضى أنت ان يتعامل معك الأخرون بمثل هذا الاستخفاف؟ أتلجأ لإحراج الناس في مدوانتهم لأنك لا تريد الجميع أن يراك وانت تتراجع؟
يا أخي هذا شرف لك, إن كنت تعي وتفهم. أتريد أن تظهر بمظهر الجائر المتعدي على الغير ممن لا تعرفهم, وتأبى بكبرياء زائف أن تظهر أنك قد راجعت نفسك ورجعت عن هذا الفعل المذموم؟
يا أخي أبريء ساحتك أمام الأخرين. أتخشاني أكثر مما تخشى الله؟
لا حول ولا قوة إلا بالله العلي العظيم
يا أخي الاعتراف بالحق فضيلة. فلا تتردد في فعل الصواب كما يصح. وتأكد أنني سأكون أول المرحبين بذلك
شكرا لك يا حنين
الغاليه/ فانتازيا
منور يا جميل انت يا مرعب يا بتاع كرسى فى الكلوب ... والله يا فانتا انا اتعلمت منك التسامح وعدم التعصب فاكره اول موضوع علقتى عندى عليه لما كنت متعصبه وكاتبه موضوع عن المثليين فاكره نصيحتك لى انا لسه متأثره بيها وبعمل بيها لغاية النهارده انى اتحكم فى غضبى وانا بكتب واحاول اوصل كلامى للى قدامى بدون عصبيه يعنى انتى اللى علمتينى أ.ب تدوين علمتينى التسامح وان اقبل اى انسان فى الدنيا حتى لو كان مختلف معايا فى اى حاجه بقيت اكبر دماغى واسامح ودى كانت اجمل حاجه عجبتنى فيكى ... يعنى انتى صاحبة فضل
لمحت فيكى سعة الافق وجمال الروح والحس والعقيده وحبك لكل خلق الله وايمانك بقضايا كل المظلومين والمقهورين ودفاعك المستميت عن الحق والحقوق وشجاعتك وحريتك يووووه دا كلام ما ينتهيش يبقى بذمتك الانسانه اللى عندها كل دا يبقى اكيد عندها المقدره انها تسامح وتغفر لان انا عارفه ان قلب فانتا ابيض من التلج
اوكى يا قمر امسحيها فى المره دى والطيب احسن
سلام يا احلى فانتا
المفتكس
يا افتكاساتك يا مفتكس عندك حق الزعيم هو عم نجم والله يستاهلها عن جداره سيبك انت اهم حاجه انى حسيت ان القصيده الحلمنتيشى دى عجبتكوا ودا شىء اسعدنى كما اسعدنى اكتر مرورك ومشاركتك ويا ريت تشرفنا دايماً
خالص تحياتى
تحياتي
ما أجمل أشعار أحمد فؤاد نجم...بسيطة و معبره.
وعلي فكرة انا كنت في الحج و كان لي زميل جمعتني به الغرفة في الفندق هو تونسي...ووجدته حافظا لكل قصائد احمد
فؤاد نجم...حتي طريقة الاداء...
يعني الشاعر نجم له عشاقة في كل الوطن العربي...
و انا سعيد انه غير ملاحق لا أمنيا و لا قضائيا...و هذا يحسب لاولي الامر بدون شك.
لابد ان نعطي لكل ذي حق حقه.
تحياتي و اشكرك علي البوست و البلوج الجميل...و تمنياتي لحضرتك بكل التوفيق.
الربان
اهلا وسهلا بيك بجد نورتنا ووشك حلو على مصر ان زيارتك صادفة فوز مصر على الكاميرون ويا ريت ما تحرمناش من زيارتك الجميله وارائك القيمه واشكرك جداً على ذوقك وثنائك على مدونتى ولك انشاء الله مثل ما تمنيته لى بكل التوفيق والنجاح والسعاده
خالص تحياتى
احمد فؤاد نجم الفاجومي
رغم اختلافي معه فى حبي الشديد لعبد الناصر دون قيد او شرط
ولكني احب شعره
تحياتي لكي
misr dream
ازيك يا عزيزى وحشتنا بجد مفتقدين تعليقاتك الجميله انا برضه زيك والله بحب ناصر وفى نفس الوقت بحب نجم اصل اتفقنا فى حب شىء من عدمه مش هيمنع اعجابى بموهبته الرائعه بصراحه كلامه دايماً فى الصميم وفى مقتل زى ما بيقولوا ربن يشفى عنده ويرجعهولنا بالسلامه هو اللى بيهون علينا القهر اللى عايشينه وبيخفف من اوجاعنا بآهاته وكأنه بيتكلم بلسان حالنا كلنا
انت نورتنى بجد ويا ريت ما تحرمناش من تشريفك لينا دايما
تحياتى
الله يخليكي يا حنين
ربنا يعلم معزتك عندي. وانتي أسرتيني بكلامك الجميل ورأيك فيا, اللي هو وسام لازم افتخر بيه وأحمد ربي عليه. أنا مقدرشي أسامح في حق غيري يا حنين, خصوصا لما يتظلموا من غير ذنب. وتسامحك واخلاقك الكريمة بيخلوني اتمسك بحقك أكتر في انك تتلقي الأعتذار اللائق. لان اللي حصل دا مش عدل. والله أنا مسامحة في حقي, وعارفة ان الله لا يضيع أجر من أحسن عملا. وانتي عارفة.. ياما دقت ع الراس طبول, ولا بحط ف بالي. أنا مسامحة ف اللي يخصني, لكن اللي يخصك أسامح فيه ازاي؟
أشكرك يا عزيزتي على كرمك وشعورك الطيب, الذي أكن لك بمثله وأكثر.
خالص احترامي ومودتي
ههههه
جميلة جدا جدا
الراجل عندة موهبة شعرية فذة
دماغة جميلة اوي بتعجبني جدا جدا
علي العموم شكرا علي مجهودك
انا مش محبى اوى احمد نجم
بس كلامه عجبنى بصراحه
وحشااااااانى ياحنين
هو انا جيت متأخر ولا ايه
نا مش بحب نجم علشان احيانا بيستخدم الفاظ ماتنعش تتقال
بس القصيده دي جميله اوي
انا مش عارفا الراجل يعمل ايه اكتر من كده المفروض يجيب شعب غيرنا يغير فيه
تحياتي
عزيزتى فانتا
اشكرك يا حبيبتى على شعورك الطيب وزعلك علشانى بس والله خلاص الموضوع بالنسبه لى انتهى فعلا واشكرك جدا على موقفك الشجاع علشانى ويا رب يديم المحبه والود بينا على طول
لكى منى كل التحيه والاحترام
dr-online
ازيك يا عزيزى لك وحشه والله عملت ايه فى امتحاناتك اتمنى تكون عملت كويس وترفع راسنا كده على طول انا سعدت بمرورك وان القصيده عجبتك وطلعت الحمد لله بتحب نجم اجازه سعيده انشاء الله تقضيها فى دفىء وسعاده مع عائلتك الكريمه ودعائى لك بالنجاح والتوفيق دائماً
تحياتى
عزيزتى ايمان
ازيك يا قمر وحشانى والله انتى اكتر وبسعد جدا بوجودك عندى فى المدونه وبحس انه زى هلال العيد وسعيده ان القصيده عجبتك ..تقبلى منى خالص تحياتى وودى
عزيزتى/ ايمى
لا ازاى يا افندم ما جتيش متأخره ولا حاجه انتى تيجى فى اى وقت يعجبك وبجد نورتينى وسعدت ان القصيده دى بالذات عجبتك لنجم انا بحس انها اجمل ما كتب نجم فعلا شكراً لمرورك واتمنى ان اسعد دائما بتشريفك لمدونتى المتواضعه تحياتى
وابقى سلميلى على كوكا
Post a Comment