أنا مصرى
أنا مصرى إبن مصرى وليا الشرف
برغم المهانه برغـــــــــــــــم القرف
برغم الزباله اللى ماليه الشــــــوارع
برغم الفســـــــــــاد اللى بيه أعترف
سمو معـــــــــــــــالى رئيس الوزاره
نتيجه موظف بسيـــــــــــــط انحرف
برغم المجاعه اللى داخلين عليهــــــا
وفينا اللى عـــــــايش حياتهُ فى تـَرف
برغم البطــــــــاله فى أوضه وصاله
برغم إن أخر جنيـــــــــــــه إتصرف
برغم طـــــــــــابور الصباح السخيف
وكل منايا يادوب كــــــــــــــام رغيف
برغم أسايـــــــــا لمنظر عشايـــــــــــا
وأقول مش مهم يــــــــــا واد نام خفيف
برغم إنى شايف بــــــــــلاوى وساكت
وعايش مطنش كـــــــــــــــأنى كفيف
برغم الســـــــــــلام اللى غرقت بناسها
برغم العيـــــــال اللى ساكنه الرصيف
برغم حكومه شعـــــــــــــارها الكلام
ورغم رئيسنــــــــــــــا عليه السلاااام
أنا مصرى إبن مصرى وليا الشرف
برغم المهانه برغـــــــــــــــم القرف
برغم الزباله اللى ماليه الشــــــوارع
برغم الفســـــــــــاد اللى بيه أعترف
سمو معـــــــــــــــالى رئيس الوزاره
نتيجه موظف بسيـــــــــــــط انحرف
برغم المجاعه اللى داخلين عليهــــــا
وفينا اللى عـــــــايش حياتهُ فى تـَرف
برغم البطــــــــاله فى أوضه وصاله
برغم إن أخر جنيـــــــــــــه إتصرف
برغم طـــــــــــابور الصباح السخيف
وكل منايا يادوب كــــــــــــــام رغيف
برغم أسايـــــــــا لمنظر عشايـــــــــــا
وأقول مش مهم يــــــــــا واد نام خفيف
برغم إنى شايف بــــــــــلاوى وساكت
وعايش مطنش كـــــــــــــــأنى كفيف
برغم الســـــــــــلام اللى غرقت بناسها
برغم العيـــــــال اللى ساكنه الرصيف
برغم حكومه شعـــــــــــــارها الكلام
ورغم رئيسنــــــــــــــا عليه السلاااام
يـلــبسنا تـهمــه تمــــــام التمــــــام
عشــــان قـــلنا مــره كفـــايه امتهــان
وقـــال ايه طـــوارىء كتمــنا الكـــلام
خــرسنا فى بلدنـا وســجنوا العـــيال
وحـــطينـا جـزمــه بـأمـر الحـاخـــام
ورغـــم أن كــله يـــــــــــا عالم بيغلى
إلا كرامتى بترخص قــــــــــــــــوام
برغــــــــــم إنى عايش فـ بلدى فريسه
ووجبه شهيه لبعض اللئـــــــــــــــــام
برغم ان كـــــــــــــل تاريخك يا بلدى
فـ عهد جنابه كـــــــــــــلام فوق رخااام
برغم ده كله يــــــــــــا مصر بحبك
ودا يا مصر عندى آخـر كـلام
منقول مع بعض التعديل
========================================
كلام فى كلام فى كلام ما بقاش حيلتنا غير الكلام ووقت الجد ننكتم ونخاف
لحد امتى حنفضل نتكلم ومافيش فعل امتى حناخد موقف
امتى هنبقى كلنا ايد واحده ونثبت على موقفنا امتى
هنصرخ فى وش الظلمه ونقول لا ... لازم نتهان
لازم نتسحل ونتذل اكتر من كده علشان نفوق بقى ونصحى
والله خســــاره فينا حقيقى الكلام
10 comments:
جميل ياحنين باين عليكى متاثره كتير بالشعر العامى وفيه محاكاه ليه بشكل جيد
ممكن تكونى
الفاجوميه
هههههههههههه
انت عامله ايه؟
كل تماميارب تكون كتير كويسه
تحياتى
صباح الفل على الناس المختفيه
فينك يا صديقى العزيز !! مفتقداك ومفتقده تعليقاتك الجميله انت ايه قررت تعتزل التدوين ولا ايه ؟ لا اوعى لحسن ازعل اوى .. انا الحمد لله بخير وكله تمام انت بقى ايه اخبارك طمنى
عجبك الكلام دااتبعتلى من مجموعه على الفيسبوك عجبنى قوى لقيتها فكره حلوه نشرتها وعدلت فيها . تصدق انك شعشعتها فى دماغى انا بكتب حاجات كده قصائد زجليه من زمان هبقى انشر منها اجزاء واخذ رأيك فيها يا استاذنا ولو عجبتكوا هنافس بعد كده الفاجومى بقى هههههههههه
زيارتك اسعدتنى حقيقى واتمنى اسمع عنك خير دايماً واتمنى لك التوفيق فى كل شئون حياتك .. خالص تحياتى
شكرا ليكى يا حنين على نقلك للقصيده دى
لانها فعلا لسان حالنا كلنا برغم كل اللى فيكى يا مصر بنحبك ومعاكى حق كله كلام فى كلام الكل بيتكلم ويجرى مفيش حد عنده استعداد يقف ويقاوم بجد
ربنا يبارك فيكى ياحنين
الكلام مهم جدا يا حنين, بشرط انه يكون كلام مفيد
مافيش فعل لا يسبقه كلام
لازم نتكلم ونفضفض ونتناقش ونقول آراءنا وإيه اللي واجعنا وإيه اللي عايزينه وإيه اللي بنحلم بيه. لازم نتكلم ونرفض ونحلم.. لازم نحلل الواقع ونخطط للمستقبل
لما الشعب يصحى ويتكلم هيتسمع يا حنين
لازم هنتسمع لما نلاقي اصواتنا
بس نلاقيها ونحررها بعد طول الكتمان
الكلمة ايد
الكلمة رجل
الكلمة باب
الكلمة نجمة كهربية في الضباب
خالص تحياتي يا عزيزتي
جئت ألقي التحية
السلام عليكم ورحمة اللهع وبركاته
جميل بوست ما شربتش من نيلها فكرته رائعة
اما الكلام
لو تفتكري اسراء اعتقلوها علشان قالت : خليك بالبيت شعار اضراب 6 ابريل
حتى البيت هيخرجونا بالعافية
ممنوع تحس
ممنوع تفكر
ممنوع تتنفس
فاكره عادل امام في الزعيم وهو بيدعي للزعيم : ويخرب بيت اللى بيحبه وهو جواه بيحبه وجنب منه واحد بيكرهو
فكرتيني بمسرحية جميله برضه للكاتب لنين الرملى اسمها اللهم اجعله خير
كان بطل المسرحية بيتحاكم على حلمه
اجهزة عم الدولة عندها جهاز بيسجل احلام المواطنين .. وبطل المسرحية اتهبل في نافوخه كان بيحلم يتوظف ويتجوز ويخلص من الفساد الاداري عنده في الشغل
مش عايز اطول عليكي
انا كنت جاي اسلم بس
السلام عليكم
بحبك يا مصر
ربنا يبارك فيك انت يا استاذنا وفى كل شباب مصر الحلوين اللى زيك .. والله انا بفرح جداً لما بشوف شباب بيحبوا البلد دى ومهمومين علشانها وبحس ببصيص امل !! حلوه بصيص دى ان فى امل والله البلد دى تتغير على ايدين ولادها المخلصين نفسى الشعب كله يتجمع على كلمه واحده مش كلمه تلموا وعصايا تفرقوا .. ربنا معانا
خالص تحياتى
العزيزه فانتا
يعنى هو كلامنا يا فانتا بيتسمع ولا بيجيب نتيجه اديكى شايفه النظام والحكومه واللى عملينه فينا ، عاملين ودن من طين وودن من طين برضه علشان مافيش دقيق يعملوا ودن من عجين ، بيسخروا من كلامنا ولسان حالهم بيقول اضربوا دماغكم فى الحيط هو دا اللى عندنا وما فيش غيره واذا كان عاجبكوا لكده ليكتموا الناس ويهددوها ويحبسوها هى دى مصر يا فانتا
تحياتى من ارض الوطن الغالى اوى
استاذنا الفاضل الباحث عن الحقيقه
وعليكم السلام ورحمة الله وبركاته
اسراء كانت كبش الفدا على نظام اضرب المربوط يخاف السايب ، كانت كارت الحكومه اللى لعبت بيه علشان تحبط معنويات الشعب وتبين له انه ما فيش فايده من اللى بيعملوا سياسه قذره
وفعلا يا عزيزى المسرحيات اللى ذكرتها كانت بتجسد المأساه على حقيقتها والعملاق عادل امام دا مدرسه لوحده بس فكرك حد بيسمع ولا بيحس ابداً دول جبلات وبلطجيه وعايشين فيها بالدراع وعلى رأى المثل كلام زى الرصاص فى جته زى النحاس .. ربنا ياخدهم اخذ عزيز مقتدر .. قادر على كل شىء يخلصنا منهم ومن شرهم
سعدت بزيارتك ويا ريت ما تحرمناش من تشريفك دايماً
خالص تحياتى
ما تستهونيش بالكلام, متعرفيش نظرية جناح الفراشة هتودينا السنين الجاية فين
shah
ازيك يا شاه اخبارك ايه
نظرية الفراشة " نظرية الفوضى وعلم اللامتوقع" بس تفتكر ان يأثر فينا جناح فراشه يا راجل دا احنا محتاجين جناح ديناصور علشان يأثر فى ولاد الهرمه دول
منور يا استاذنا
Post a Comment