!!! آآآآآه يــــــا فلوووووسى

روحت من يومين علشان اجدد الرخصه بتاعت العربيه وإذ فجأتن الاقى ان كل شرايح الضرايب اللى على السنوات زادت كلها تخيلوا كام ؟! بنسبة 280% آه وربنا لما انا لغاية دلوقتى جايلى حالة اغماء وغيظ وازبهلال ومش عارفه امتى ولا ازاى ولا فين تم الموافقه على موضوع زيادة الضرايب على المركبات وليه بالسرعه دى واشمعنى يعنى القوانين دى بالذات بيتم الموافقه عليها فى نفس وقت عرضها على مجلس الشعب ودون سابق انذار للشعب وعلى اساس ايه تزيد كل المبالغ الفاحشه دى والشرايح دى اتعملت على اى اساس وفى اى شرع وقانون يا عالم فهمونى لحسن انا خلاص قربت انكش شعرى واجرى ورا عربية الزباله فى الشارع يتم وضع الضرايب دى هو يعنى علشان وزير الماليه الله يكرمه قادر يا كريم زى ما كرم كيندى عايز يتسجل فى الموسوعه انه اكتر وزير تم فى عهده زيادة العلاوه الى 30% وانه انجاز قعد يعصر مخاميخ عقله علشان يحل المعضله دى ويحصلها من دم الغلابه ماكناش عايزين ام العلاوه دى اللى حصلوها مننا اضعاف مضاعفه بالسرقه عينى عينك كده الحراميه تخيلوا احنا قبضنا العلاوه النهارده عارفين يا حضرات اخدنا اكبر لمؤاخذه خازوق فى حياتنا بتتراوح بين درجات الدرجه الثالثه من 40 – 50 والدرجه الثانيه من 50 – 65 جـــنيه والدرجـــه الاولى والمديرين وكـــبيرين

الاخصائيين 120 جنيه اقسم بالله الكلام دا اتقبض ادامى النهارده الصبح يعنى احنا اتحصل مننا اكتر من العلاوه والعجز اللى فى الميزانيه والباقى طبعا راح فى جيوب اسيادنا اصحاب المعالى والمشروعات الاستثماريه والقرى السياحيه اللى اعفوا جميعاً من الضرايب علشان العائد التنموى والاقتصادى اللى بيحققوه لمصر يا أخى(تيييت) انا مؤدبه مش هفقد اعصابى يعنى يعفوا الحيتان من الضرايب واحنا يفرضوا علينا ضرايب على العقارات انشاء الله لنا تكمله بس اما يجيلى المنشور علشان اشرككم معايا فى الكوارث والنهيبه اللى بتتنهب لآخر جنيه فى جيوبنا احنا الموظفين والمواطنين الغلابه بدأت بزيادة البنزين والسولار والضرائب والشهر الجاى الكهرباء والمياه هتزيد الشرايح بتاعتهم هى كمان يعنى لعبوها صح ولاد الهرمه واحنا اتكلنا على قفانا زى كل مره مش عايزين ام الزياده دى الله يخرب بيوتكم بس رجعوا كل حاجه زى ما كانت .... وفى الختام احب انكد عليكم بحاجه حصرياً كده على مدونتى المنشور اللى جالى النهارده بشرايح الضريبه على المركبات الملاكى علشان اللى عايز يرخص ما يروحش يا اما هيتنهب زى حلاتى ويقعد يصوت آآآآآه يا فلوسى يخرب بيت ام الحكومه، على فكره الكلام دا اطبق من يوم الخميس اللى فات والحدق اللى يقول الحمد لله انا نفدت المره دى وجددت، اقوله لا يا باشا لما تروح تجدد المره الجايه هيحصلوا منك اللى فات بأثر رجعى من يوم 5 مايو ايوه !!! ايوه هى كده فرده واذا كان عاجبك روح اشتكى يعنى هنجيبك هنجيبك

والضريبه كالاتى السعه اقل من 1000 سى سى السنه 143 والسنتين 276 والثلاث سنوات 409

وال1000 سى سى السنه 144 ج والسنتين 278ج ،و411 ج الثلاث سنوات

ومن 1001 حتى 1.30،/ 146 ج فى السنه ، و282 ج فى السنتين، و418 ج فى الثلاث سنوات

، ومن1030 حتى 1.300السنه 173 ج والسنتين 336 ج والثلاثه 499ج، /ومن 1.301

حتى 1.600 السنه 217 ج والسنتين 424 ج والثلاثه 631 ج ، /ومن 1.601

حتى 1.629 السنه 237 ج ، والسـنتين 464 ج والثـلاثه 691 ج، / ومـن 2031

حـتى 2.500 السنه 1102 والسنتين 2194 ج والثلاثه 3286 ج

ومن 2501 فيما اكثر السنه 1132 ، والسنتين 2254 ، والثلاثه 3376

================================

نيجى للموديل سنه 2008 ترخيص سنه 1152 ج، وسنتين 2244 ج وثلاث سـنوات 3236 ج

موديل 2007 تصريح سـنه 1102ج وســنتين 2144 وثلاثه 3096

وموديل 2006،ترخيص سنه 1002 ج،وسنتين 1944ج،وثلاثه2836 ج

/وموديل2005 ترخيص سنه 952ج وسنتين 1844 ج وثلاثه 2696

وموديل 2004 ترخيص سنه 902ج وسنتين 1744ج،وثلاثه 2536

وموديل 2003 سنه 852ج وسنتين 1644 ج وثلاثه 2386ج

وموديل 2002 ترخيص سنه 802ج وسنتين 1544 ج،وثلاثه 2246ج

وموديل 2001، تـرخيص سنه 752ج وسنتين 1444ج،وثلاثه 2086ج

وموديل 2000 ترخيص سنه 702 ج ،وسنتين1344 ج،وثلاثه1936ج

وموديل 1999 تصريح سنه 652ج،وسنتين 1244ج،وثلاثه1786ج

موديل 1998 تصريح سنه 602ج،سنتين 1144ج،ثلاثه 1636ج

موديل 1997 تصريح سنه 552ج،سنتين1044ج،ثلاثه1486ج

موديل 1996 تصريح سنه 502ج،سنتين944ج،وثلاثه 1336ج

موديل 1995ترخيص سنه 451ج،وسنتين 844ج وثلاثه1186ج

موديل 1994 تصريح سنه 402ج،وسنتين744ج وثلاثه1036ج

موديل 1993تصريح سنه 352ج ،وسنتين644ج،وثلاثه936ج

موديل 1992 تصريح سنه 302ج،وسنتين 594ج وثلاثه 806ج

ومعلشى بقى ماقدرتش انقلها الا كده يا ريت تعرفوا تقروها وكل علاوه وانتم طيبين وبالمناسبه دى بهديكم كلكم اغنية على علاوه يـــاللى ضرب الزومبايه يــــاللى